Sipat Kultura: Tungo sa Mapagpalayang Pagbabasa, Pag-aaral at Pagtuturo ng Panitikan ay pag-asinta sa historikal, panlipunan, at modernong tranformasyon ng panitikang Filipino. Mula epiko hanggang postmodernong panulaan at panitikang diaspora, naglalahad ang libro ng mapanipat na kritikal na perspektiba sa pag-unawa ng panitikan at lipunang Filipino. Binibigyan-ugnay at relasyon ng libro ang tila hindi magkakaugnay na bagay: ang epikong bayani at OCW (overseas contract worker), panitikang oral at urban legend, romantisismo at himagsikan, diaspora at pighati, at iba pa. Makabuluhang karagdagang babasahin ang libro sa anumang textbuk at akdang pampanitikan para komprehensibong maunawaan ang panitikang Filipino tungo sa malaya at mapagpalayang pagbasa, pagtuturo at pananaliksik.

Si ROLANDO B. TOLENTINO ay Professor ng University of the Philippine Film Institute at Associate for Fiction ng UP Institute for Creative Writing. Awtor siya ng Ang Pagkatuto at Pagtatanghal ng Kulturang Popular, Kulturang Popular Series, Bida sa Pelikula Bilang Kultural Texto, editor ng Brigido Batungbakal, Pula ang Kulay ng Dugo, at iba pang kuwento, ko-editor siya ng Kontra-Gahum: Academics Againts Political Killings, at Ang Dagling Tagalog, 1903-1936 (Ateneo Press, 2007). Siya ay kasapi ng Congress of Teachers and Educators for Nationalism and Democracy (CONTEND)

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!