"Isang nakalulugod na koleksyon ito ng mga tula mula sa isang makatang ang pandama at pandinig ay laging nakatuon sa panitikang bayan. Dito, ang tinig ay kakambal ng ritmo ng hangin, lagaslas ng ilog at kampay ng mga luntiang dahon sa lupang tinubuan." - Lilia Quindoza-Santiago, Makata ng Tao, 1989 "... matimyas, punung-puno ng mga buhay na imahen, ang mga tula ni Gaying ay nangangako ng higit na masinop na pagbabalangkas ng mga kaisipan at makitil na talinghaga. Isang handog na aklat ito ng mga makababaeng paglalarawan ng pag-ibig, buhay at sining." - Elynia S. Mabanglo, Nasa Hall of Fame ng Palanca Memorial Awards for Literature, 1995, Makata ng Taon, 1992 "Mababanaag sa kalipunang ito ang makulay na karanasan ng makata sa Angono, Rizal, sa UP, at sa Mindanao State University -- mga tulang naglalarawan ng ugnayan ng anak at ina, ng anak at ama, ng mga gawain at buhay ng mamamayan ng Angono, ng kanyang mga pakikipagsapalaran sa Mindanao, ng kanyang mga obserbasyon sa kagandahan ng kalikasan, ng kanyang mga karanasan, masaya man or malungkot." - Arthur P. Casanova, 1999 Metrobank Outstanding Teacher Si Ligaya Tiamson-Rubin ay Tagapangulo ng Departamento ng Filipino at Panitikan ng Pilipinas sa UP Diliman, Q. C. mula 1 Mayo 1994 hanggang 20 Enero 1998. Dating Assistant to the Dean ng Kolehiyo ng Arte at Literatura, siya'y propesora ng wika at malikhaing pagsulat. Nakapaglathala siya ng mahigit 30 aklat tungkol sa wika, panitikan at lipunang Pilipino. Nagtuturo siya sa U.P. at sa Miriam College.

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!