Likas na masayahin tayong mga Pilipino. Kahit gaano kabigat ang suliranin, idinadaan natin ito sa tawa at biro, kasabay ng paghanap ng kalutasan nito. Napatunayan ito sa ating kasaysayan ilang ulit na.

Nasisinag ang pagkamasayahin natin sa ating mga libangang katutubo—mga laro, bugtong, salawikain, awiting bayan at tula at tugma. Panatilihin natin ito para sa susunod pang henerasyon. Sayang kung ipadadaig natin ang mga libangang nakabubuti sa mga makabagong libangang telebisyon, sine at computer na maaaring makapinsala kung wala sa lugar.

Layon ng aklat na itong pasiglahin ang minana nating mga libangan bago malulong ang ating mga kabataan sa mga makabagong pampalipas-oras. Magagamit ang aklat na ito na babasahin sa mga asignaturang Pilipino at Makabayan na bahagi ang Wastong Pag-uugali (Character), Musika, Sining at Edukasyong Pampalakas (MSEP). Masisiyahan ang mga magaaral na basahin ito kahit sa labas ng klase, bilang libangang pansarili. Kahit mag-isa ay maaaliw sila sa mga bugtong, salawikain at awit. Mapag-aaralan din nila ang mga laro. Sa kabuuan, ang aklat na ito ay aakay sa mga mag-aaral upang maging mabubuting mamamayang may pagpapahalaga sa ating kultura

NBS.

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!