Hindi lamang isang kasaysayan ng paglahok sa rebolusyong agraryo ang aklat, ito'y isa ring likhang pampanitikan. Ang mismong istrakturang ng The Forest ay may disenyong pampanitikan. Isa itong odyssey, isang buong salaysay tungkol sa isang karanasan na may simula at wakas. Para mabigkis ang kanyang mga tala, gumsamit si Pomeroy mg isang kasangkapan: talinghaga o metapora ng gubat. Ang gubat ay kanlungan ng mga nasa underground, isang tagong daigdig kontra sa bukas na daigdig ng mga baryo, bayan, at lunsod. Ang gubat ay naging sagisag ng lahat ng pakikibaka. Dito nagkakanlong ang mga lumalaban sa panunumpil at pananakop. Isa ng organizer ng unyon at peryodista si William J. pomeroy nang dumating sa Pilipinas noong 1944, kasama ang mga puwersa ni Gen. Douglas MacArthur. Pumasok siya sa teritoryo ng mga Huk noong 1947 para sa isang sulatin, at dito niya nakatagpo si Luis Taruc at si Celia Mariano, ang kanyang magiging kabiyak. Naging simula ito ng kanyang pagkamulat sa kalagayan ng mga magbubukid at mamamayang Pilipno at sa kapasyajhang makiisa sa kilusang mapagpalaya.

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!