Karamihan sa mga tulang nasa aklat na ito ay mula sa dalawang kalipunan ng mga tula ni Ruth Mabanglo, ang Anyaya ng Imperyalista at ang Bayan ng Lunggati, Bayan ng Pighati, na parehong nagwagi ng unang gantimpala sa Palanca. Maliban sa ilan, ang mga tula ay may kasamang salin sa Inggles ni Roderick Niro Labrador, isang Pilipino-Amerikanong makata sa Inggles, sa pakikipagkolaborasyon niya sa may-akda. Ipinapaalala ng Anyaya ng Imperyalista ang kakayahang magpalaya ng panitikan, na ang sining at pulitika ay magkakabit, at lahat tayo ay dapat makibahagi sa mga pakikipaglaban upang yanigin at palitan ang iba't ibang istraktura, sistema, at gawain ng dominasyon at paniniil.

Si Ruth Elynia De Los Santos Mabanglo ay isang makata at iskolar. Mahigit tatlumpong taon na siyang naglalathala ng mga tula. Nakatanggap na siya ng maraming gawad pampanitikan at iba pang mga karangalan, kabilang ang Carlos Palanca Hall of Fame Award, ang "Makata ng Taon" nuong 1992 mula sa Commission on Filipino Language, at ang National Book Award para sa Tula nuong 1990 mula sa Manila Critics Circle para sa Mga Liham ni Pinay. Si Mabanglo ay marami na ring nailathalang mga gawaing pang-akademiko. Kasalukuyan siyang propesor sa University of Hawaii sa Manoa, kung saan nagtuturo siya ng wika at panitikang Filipino sa Department of Hawaiian and Indo-Pacific Languages and Literatures.

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!