Bumalik si Peter sa Bikol upang magsaliksik sa diumano ay epiko ng Ibalong —ang alamat ng sinaunang mga bayaning sina Baltog, Handiong at Bantog— na nilalaman ng Breve noticia acerca del origin, religion, creencias y superticiones de los Indios del Bicol na sinulat ni Jose Castaño, isang Fransiskanong misyonero sa Albay at Camarines Sur noong 1871 hanggang 1894.

Ang nasabing Breve ay inilakip at naging bahagi ng Archivo del Bibliofilo Filipino, Tomo I, ni Wenceslao E. Retana na nalimbag noong 1895 sa Madrid, Espanya.

Nais ni Peter na tuklasin ang hiwagang bumabalot sa kaniyang katauhan, limang taon na ang nakakaraan, nang una sila ng kaibigan niyang si Jesse maglakbay sa Bikol at sa hindi inaasahang pagkakataon ay nagkaroon siya ng hindi pangkaraniwang talas ng pandamdam, pambihirang lakas at liksi ng katawan, at mga pangitaing hindi niya alam kung saan nanggagaling.

Isang matandang Paragirumdom na may pambihirang talas ng memorya, ang inupahan niya upang magsalaysay —habang nilalakbay ang mga lunan ng mga istorya at historya ng Bikol— mula sa panahon ng mga anito hanggang sa pagsalakay ni Juan de Salcedo sa Paracale noong 1571 sa paghahanap ng ginto.

Ngunit may isa pang lihim na pakay si Peter na nagdulot ng panganib at maaaring dahilan ng pagkamatay ng mga taong nakikilala niya habang naglalakbay sa lupain ng mga Bikolnon at nakikinig sa awit ni Kadunung.

Quick Jump:
by Author  •  by Publisher  •  by Category

Still can't find the book you want? If the book you want is not yet listed in our online catalog, write us now about your special order. If it exists, we will find it!